ଆରମ୍ଭ ହେଲା ଭୋଟ ଗଣତି । ୫୪୨ ଲୋକସଭା ଆସନ ପାଇଁ ୮୦୪୦ ଜଣ ପ୍ରାର୍ଥୀଙ୍କର ହେବ ଭାଗ୍ୟ ପରୀକ୍ଷା

ବର୍ତ୍ତମାନ ଆସିଥିବା ତାଜା ଖବର ଅନୁସାରେ ମୋଟ 543 ସିଟ୍ରୁ ବର୍ଥମାନ ବିଜେପି 45 ସିଟ୍ ରେ ଆଗେ ଚାଲିଥିବା ବେଳେ 11 ସିଟ୍ ରେ କଂଗ୍ରେସ ଆଗରେ ଥିବା ବେଳେ ଅନ୍ୟ ଦଳ ମାତ୍ର 2 ଟିରେ ଆଗେ ଚାଲୁଛନ୍ତି.

ଖୋଲିଲା ଭାନୁମତି ପେଡି । ଆରମ୍ଭ ହେଲା ଭୋଟ୍ ଗଣତି । କଡା ସୁରକ୍ଷା ବଳୟ ଭିତରେ ମତ ଗଣନା କେନ୍ଦ୍ରକୁ ଇଭିଏମ ଓ ଭିଭିପାଟକୁ ଅଣାଯିବା ପରେ ଆରମ୍ଭ ହୋଇଛି ଭୋଟ୍ ଗଣତି । ତେବେ ପୂର୍ବନିର୍ଧାରିତ ସମୟ ଅନୁସାରେ ତଥା ସକାଳ ୮ଟାରୁ ଆରମ୍ଭ ହୋଇଛି ଭୋଟଗଣତି ପ୍ରକ୍ରିୟା । ପ୍ରଥମେ ପୋଷ୍ଟାଲ ବାଲଟ ଗଣତି କରାଯିବ । ଏହାର ଅଧଘଂଟା ପରେ ଇଭିଏମ କଂଟ୍ରୋଲ ୟୁନିଟ ଗଣାହେବ । ଭିଭିପାଟ ମେସିନର ଚିରକୁଟ ସହ ଇଭିଏମ କଂଟ୍ରୋଲ ୟୁନିଟକୁ ମେଳ କରାଯିବ । ନିୟମ ଅନୁସାରେ, ପ୍ରତି ନିର୍ବାଚନମଣ୍ଡଳୀର ବୁଥୱାରି ଭୋଟ୍ ଗଣାହେବ । ପ୍ରଥମ ରାଉଣ୍ଡର ଫଳାଫଳ ଅନ୍ୟୁନ ୪୫ ମିନିଟ୍ରୁ ୧ ଘଂଟା ପରେ ମିଳିବ । ତେବେ ଓଡିଶାର ୨୧ ଟି ଲୋକସଭା ଆସନ ସମେତ ୧୪୬ଟି ବିଧାନସଭା ଆସନର ହେଉଛି ଭୋଟଗଣତି ।

ନିର୍ବାଚନ ଆୟୋଗଙ୍କ ସୂଚନା ମୁତାବକ, ରାଜ୍ୟର ମୋଟ ୬୩ଟି ସ୍ଥାନରେ ଭୋଟଗଣତି ହେଉଛି ଆଉ ଏହି ପ୍ରକ୍ରିୟାରେ ସାମିଲ ହୋଇଛନ୍ତି ମୋଟ ୬ ହଜାର ୭ ଶହ କର୍ମଚାରୀ । ପ୍ରତି ହଲରେ ଅନ୍ୟୁନ ୭ଟି ଟେବୁଲ ବିଧାନସଭା ପାଇଁ ଏବଂ ୭ଟି ଟେବୁଲ ଲୋକସଭା ଇଭିଏମ ଗଣତି ପାଇଁ ବ୍ୟବସ୍ଥା ହୋଇଛି । ତେବେ ପ୍ରତି ଟେବୁଲରେ ଜଣେ କାଉଂଟିଂ ସୁପରଭାଇଜର, ଜଣେ କାଉଂଟିଂ ସହାୟକ ଏବଂ ଜଣେ ମାଇକ୍ରୋ ଅବଜରଭର ନିୟୋଜିତ ହୋଇଛନ୍ତି ।

ସେହିପରି ପ୍ରତି ଲୋକସଭା ନିର୍ବାଚନମଣ୍ଡଳୀ ସମେତ ପ୍ରତିଟି ବିଧାନସଭା ନିର୍ବାଚନମଣ୍ଡଳୀ ପାଇଁ ୫ଟି ଲେଖାଁଏ ବୁଥର ଭିଭିପାଟ ସ୍ଲିପ୍ ଗଣାଯିବାର ବ୍ୟବସ୍ଥା ମଧ୍ୟ ହୋଇଛି । ସୁରକ୍ଷା ଦୃଷ୍ଟିରୁ ଭୋଟଗଣତି କେନ୍ଦ୍ରରେ ସିସିଟିଭି ଲଗାଯାଇଛି । ଏଥିସହ ସଂପୂର୍ଣ୍ଣ ଗଣତି ପ୍ରକ୍ରିୟାର ଭିଡିଓଗ୍ରାଫି ମଧ୍ୟ କରାଯିବା ସହ ଗଣତି ହଲକୁ କେହି ମୋବାଇଲ ନେଇପାରିବେ ନାହିଁ । ଅଜଣା ଲୋକ ପ୍ରବେଶ କରିପାରିବେ ନାହିଁ । ଭୋଟ ଗଣତି ପାଇଁ କେନ୍ଦ୍ର ଗୁଡିକୁ କଡା ସୁରକ୍ଷା ବଳୟ ଭିତରେ ରଖା ଯାଇଛି ।

Leave a Reply

Your email address will not be published. Required fields are marked *