୧୯ ଜିଲ୍ଲାରେ ଅତି ପ୍ରବଳ ବର୍ଷା, ଘଣ୍ଟା ପ୍ରତି ୧୦୦ରୁ ୧୨୫କିମି ବେଗରେ ବହିବ ପବନ, ଆପଣଙ୍କ ଜିଲ୍ଲା ନାହିଁ ତ ?

ମାଡ଼ି ଆସୁଛି ବାତ୍ୟା ତିତ୍‌ଲି। ଆସନ୍ତା 24 ଘଣ୍ଟା ଭିତରେ ଏହା ଉତ୍ତର ଆନ୍ଧ୍ର ଓ ଦକ୍ଷିଣ ଓଡ଼ିଶା ଅତିକ୍ରମ କରିବ। ଏହି ସମୟରେ ଭୟଙ୍କର ରୂପ ଧାରଣ କରି ପ୍ରବଳ ବର୍ଷା ସାଙ୍ଗକୁ ୧୦୦ରୁ ୧୨୫ କିଲୋମିଟର ପଯର୍ୟନ୍ତ ପବନ ବହିବ ବୋଲି ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି।

ଏଥିପାଇଁ ଗଞ୍ଜାମ, ଗଜପତି, ପୁରୀ, ଜଗତସିଂହପୁର, କେନ୍ଦ୍ରାପଡ଼ା ଜିଲ୍ଲାକୁ ରେଡ୍ ଓ୍ୱାର୍ଣ୍ଣିଂ ଜାରି କରିଛି ଭାରତୀୟ ପାଣିପାଗ କେନ୍ଦ୍ର। ସେପଟେ ବାତ୍ୟାକୁ ଦେଖି ରାଜ୍ୟ ସରକାର ସମୀକ୍ଷା କରିଛନ୍ତି। ଏନ୍‌ଡିଆରଏଫ୍ ଟିମ କ୍ଷେତ୍ରକୁ ପଠାଯାଇଛି । ବାତ୍ୟା କଥା ଶୁଣି ଉପକୂଳ ବାସିନ୍ଦା ଓ ପ୍ରଶାସନ ସମସ୍ତେ ସଜାଗ ହେଲେଣି। ଏନେଇ ୫ ଜିଲ୍ଲାକୁ ରେଡ୍ ଓ୍ୱାର୍ଣ୍ଣିଂ ଜାରି କରାଯାଇଛି ।

ସେଗୁଡ଼ିକ ହେଲା ଗଜପତି, ଗଂଜାମ, ପୁରୀ, ଜଗତସିଂହପୁର ଓ କେନ୍ଦ୍ରାପଡ଼ା । ସେହିପରି ଅରେଞ୍ଜ ଓ୍ୱାର୍ଣ୍ଣିଂ ଜୋନ୍‌ରେ ରହିଥିବା ଜିଲ୍ଲା ଗୁଡ଼ିକ ହେଲା ଖୋର୍ଦ୍ଧା, ନୟାଗଡ଼, କଟକ, ଯାଜପୁର, ଢେଙ୍କାନାଳ, ଭଦ୍ରକ ଓ ବାଲେଶ୍ୱର। ତେବେ ୧୧ ତାରିଖରେ ଏସବୁ ଜିଲ୍ଲା ସହ ରାୟଗଡ଼ା, କୋରାପୁଟ, କନ୍ଧମାଳ, କଳାହାଣ୍ଡି, ବୌଦ୍ଧ ଆଦି ଜିଲ୍ଲାରେ ମଧ୍ୟ ପ୍ରବଳ ବର୍ଷା ସାଙ୍ଗକୁ ପବନର ବେଗ ୧୨୫ କିଲୋମିଟର ରହିବ।

ଆସନ୍ତା ୨ଦିନ ସମୁଦ୍ର ଅଧିକ ଅଶାନ୍ତ ରହିବ । ଏହି ସମୟରେ ଉଚ୍ଚ ଜୁଆର ଆସିବ । ସେଥିପାଇଁ ସବୁ ବନ୍ଦରରେ ୪ ନମ୍ବର ସତର୍କ ସୂଚନା ଦିଆଯାଇଛି। ପୁରୀ, କେନ୍ଦ୍ରାପଡ଼ା, ଯାଜପୁର, ଗଜପତି, ଭଦ୍ରକ ଓ ନୟାଗ଼ଡ଼କୁ ଆଜିଠୁ NDRF ଟିମ୍ ପଠା ସରିଛି । ଏମାନେ ଜିଲ୍ଲା ପ୍ରଶାସନ ସହ ନିରନ୍ତର ସମ୍ପର୍କ ରଖି କାମ କରିବେ।ଆସନ୍ତା ୧୮ ଘଣ୍ଟା ମଧ୍ୟରେ ଏହା ସିଭିୟର୍ ସାକ୍ଲୋନିକ୍‌ ଷ୍ଟର୍ମର ରୂପନେଇପାରେ ବୋଲି ଭାରତୀୟ ପାଣିପାଗ ବବିଭାଗ ପକ୍ଷରୁ ଆକଳନ କରାଯାଇଛି। ଆଇଏମ୍‌ଡି ପକ୍ଷରୁ ନାଇଟ୍‌ ବୁଲେଟିନ୍‌ରେ ପ୍ରକାଶ ପାଇଥିବା ତାଜା ତଥ୍ୟ ଅନୁଯାୟୀ ଏହି ବାତ୍ୟା ଓଡ଼ିଶାର ଉତ୍ତର-ପୂର୍ବ ଏବଂ ଆନ୍ଧ୍ରର ଉତ୍ତରମୁହାଁ ହେବ। ଆସନ୍ତା ୧୧ ତାରିଖ ସକାଳେ ଏହା ଗୋପାଳପୁର ଏବଂ କଳିଙ୍ଗପାଟନାମ୍‌ ମଧ୍ୟ ଭାଗରେ ମାଡ଼ ହେବ। ଏହି ସମୟରେ ଭୟଙ୍କର ରୂପ ଧାରଣ କରି ପ୍ରବଳ ବର୍ଷା ସାଙ୍ଗକୁ ୧୦୦ରୁ ୧୨୫ କିଲୋମିଟର ପର୍ଯ୍ୟନ୍ତ ପବନ ବହିବା ସମ୍ଭାବନା ରହିଛି।

ଏବେ ହିଁ ସେୟାର କରି ସମସ୍ତଙ୍କୁ ସଚେତନ କରାନ୍ତୁ, ଭୟଭିତ ହେବାର କୌଣସି କାରଣ ନାହିଁ, ନିଜେ ସୁରକ୍ଷିତ ରୁହନ୍ତୁ ଏବଂ ଅନ୍ୟକୁ ମଧ୍ୟ ରଖନ୍ତୁ..

Leave a Reply

Your email address will not be published. Required fields are marked *